ده (طفطف) الخاص بجامعة جنوب الوادي ، اللي مازل مسلسل اهدار المال
ده (طفطف) الخاص بجامعة جنوب الوادي ، اللي اشترته الدولة لنقل الطلاب داخل الجامعة ، لاننا بنمتلك اكبر جامعة في مصر من حيث المساحة اللي وصلت لــ1000 فدان ، وده موجود منه حوالي 4 تقريباً ، ومشتغلشي غير اسبوعين بس تقريباً في سنة 2008 ، وبعدين تم إقافه من العمل وبدون اي اسباب ، ومن وقتها وهو مرمي كده لحد ما شبه باظ
ولما أعداد الطلاب زادت وفي ظل التوسعات اللي حصلت في الجامعة في السنوات الماضية كان لازم يكون في حل لنقل الطلاب ، راحت الجامعة اصدرت قرار بفتح الباب لدخول سيارات الاجرة داخل الجامعة بمقابل اني أصحاب السيارات يدفعو اشتراك شهري للجامعة ، وده بدل ما يشغلو (طفطف) ده او يزودو اعداده ويرفقو بحالة الطالب ، او حتي ياخدوا نفس الأجرة من الطالب بس تكون لخزينة الجامعة ، يعني منتهي الاستغلال للطالب ، لا وكمان ايه بيبنو مظلات او شبه موقف للسيارات دي داخل الجامعة ، بالإضافة إلى التجاوزات وقلت ادب السواقين مع الطلبة ..
سيبك من كل ده ، طبعاً ديما في مشكلة في المواصلات بنسبة لمراكز قنا ، والمشكلة دي عاملة ازمة حقيقية للناس وخصوصاً في ايام الدراسة ، وده سببه الرئيسي والاساسي هو قرار الجامعة وتأجير معظم سيارات قنا داخل الجامعة لاني أصحاب السيارات بيتسابقو علي الجامعة ، لانها احسن لهم من انهم يشتغلو علي خطوط سيرهم ، لاني في احتكار للطالب داخل الجامعة ومفيش رقابة ، يعني مستغلين الطلاب وكمان عاملين ازمة للمواصلات ، ومفيش حد متكلم نهائي علي المهزلة دي
