شكوى الى السيدة وزيرة الصحة والسيد محافظ البحير ة
شكوى الى السيدة وزيرة الصحة والسيد محافظ البحيرة منذ ساعة ونصف ذهبت لمستشفي العيون بدمنهور لامر حرج طارئ في عيني كنت سايق علي الطريق وحسيت فجاة اني مش قادر اقفل عيني الشمال والحمد لله بالعافية وصلت لمستشفي العيون وفوجئت بجميع الابواب مغلقة كما في الصور وفضلت انادي لاكثر من نصف ساعة ومعايا زوجتي واطفالي عشان اي حد يفتح واكشف طوارئ لان مفيش عيادات خارجية في هذا الوقت واخيرا بالصدفة شاب جوه سمع صوتي وصحي الباشا فرد الامن من النوم وفتح الباب ودخلت الطوارئ ونادي السيدة الممرضة لقيتها بتتكلم معايا بقرف قالتلي نعم قولتلها عايز اكشف علي عيني للاهمية قالتلي الدكتور النبطشي مش بينزل الا للحاجات الجامدة وانا شايفاك كويس قولتلها من فضلك نادي الدكتور لاني مش قادر اقفل عيني وحاسس بوجود شئ غريب فيها .. طلعت فرد الامن يناديه وهي في منتهي الزهق .. وبعد مرور اكثر من نصف ساعة تكرم وتعطف الباشا الطبيب الذي لا يمط باي شكل من الاشكال لملائكة الرحمة ولما دخل قالي خير بزهق غير عادي قولتله سلام عليكم انا كنت سايق وحاسس بوجود حاجة في عنيا الشمال مشعارف اقفلها .. وكانت الصدمة في الرد قاللي فوت علينا السبت قولتله طاب اكشف عليا مش حضرتك دكتور عيون رد بزهق حط دقنك هنا ع الجهاز وهو بينفخ وبعد 5 ثواني ليس اكثر قاللي معندكش حاجة قولتله طاب ليه مشعارف اقفل عنيا قاللي معرفش اتفضل يا استاذ وكاني بالظبط دخلت بيته بدون اذن .. هل ده سلوك الطبيب وهل المستشفي الكبيرة دي عزبة النبطشي الغير مسئول ده ليتحكم في المرضي بهذا الشكل .. اين السيد الدكتور مدير المستشفي .. اين السيد وكيل وزارة الصحة بالبحيرة ..
