اشعار من نبض الجيش مقدم محمد جمال الدين 
ايو صاحبى وكان معايا. واقف فى نفس الكمين
كتفه كان ﻻزق فى كتفى واحنا ليل نهار واقفين 
ياما تكتكنا ف هدومنا. والناس نايمه متدفيين
ياما شمسك دوختنا . والتراب شمال ويمين 
بصلى فى مره وقاللى .امتى يعرفوا احنا مين
قولتله المهم ربك. عالم بينا اجمعين
فجأه رن موبايله قاللى . مش هغيب غير ثانيتين 
قولتوا :على راحتك أنت. روح واحنا مكملين
والتفت ﻻقيت رصاص .زى مطره من بعيد
حضنت ف سلاحى بحماس. بس صاحبى كان شهيد
وأما خلصت الحكايه. روحت جرى عليه ﻻقيت 
امه فى التليفون بتصرخ . رد يابنى . أنا رديت
قولت ماتزعليش يا امى. صاحبى اتولد من جديد
بس أنا هاخد بتاره . يا أعود ﻷمى كمان شهيد