الجمعة 06 نوفمبر 2020 - 11:27 م

---

 بقلم/ أسماء يوسف العزلة

قرار ممكن يكون صائب فى وقت ما تحتاج أن تراجع نفسك فى بعض الأمور ولكن بتبقي لفترة زمانية بسيطة وهناك عزلة ممكن تكون بداية لمؤشرات نفسية انك لست بصحة نفسية سليمة لماذا فى وقت ما بنختار اننا نبعد ونسكت ونختار الوحدة بالتأكيد مفيش حد بيتمني انه يعيش وحيد إلا إذا فقد الثقة فى كل اللي حواليه خلينا دايما اهل للثقة للناس اللي بيحبونا ولو مش حنعرف لابد أن نرحل بهدوء ونترك الذكريات الجميلة أفضل ما نكون صورة مشوهة فى حياتهم طوال العمر الصراحة بتوجع بس لفترة لكن الخداع بيموت للابد الصداقة مش كلام بل مواقف متتالية والأخ مش دم لكن سند للحياة والحبيب مش ورد وكلام للصبح بل اهتمام وخوف والزوج مش اسم فى قسيمة الزواج وبطاقة بل طهر وامان لنهاية العمر والزوجة مش كائن يحافظ على نظافة بيت بس لا احتواء والابن مش بكلمة ماما وبابا بل رعاية فى الكبر والأم حنية مش قسوة والاب امان مش فلوس اعرفوا قيمتكم عندهم وبلاش تخسروا ودهم وحبهم لو تقدر تكون سبب فى سعادة حد قريب منك او حتى بعيد تعرفه او شوفته بالصدفة متتأخرش ٠لان ممكن يكون ربنا بعتك ليه فى وقت هو محتاج لكلمتك الطيبة او ابتسامتك او المساندة او المساعدة وده بيقى رزق ليك من المولى انت محتاجه اكتر تزود بيه رصيدك عند ربنا اعرف دورك فى الحياة وعيشه صح

---

---